"Anonymous" հակերային հայտնի խմբի անունից, որտեղ վերջիններս Թուրքիային եւ աշխարհի մյուս երկրներին, այդ թվում՝ ԱՄՆ-ին, կոչ են անում ճանաչել Հայոց ցեղասպանությունը։

Հաքերները տեղեկացնում են, որ նախապատրաստվում են Հայոց ցեղասպանության ճանաչմանն ուղղված գործողությունների, որոնց մեկնարկի ժամկետը կորոշեն իրենք։ Նրանք հայտնում են, որ իրենց գործողությունների թիրախ են դառնալու այս երկրների կառավարական կայքերը, եւ՝ ոչ միայն։ 

"Anonymous"-ն իր հայտարարության մեջ փաստում է, որ 1915-ին թուրքերը կոտորել են 1.5 միլիոն հայերի եւ դրա համար պետք է հատուցեն։ "Դուք նաեւ տիրացել եք հայերի պատմական հայրենիքին։ Ձեզնից շատերը հավանաբար չեն լսել Ցեղասպանության մասին, սակայն Հոլոքոստի մասին տեղյակ են",- զուգահեռներ են անցկացնում հայտարարության հեղինակները՝ հավելելով, որ Գերմանիան ցայսօր հատուցում է հրեաներին, եւ այժմ եկել է Թուրքիայի հերթը։

"Մենք չենք ներում, մենք չենք մոռանում։ Սպասեք մեզ"։ Այսպես են ավարտում հաքերներն իրենց սպառնալիքներն՝ ուղղված Թուրքիային եւ ԱՄՆ-ին։